Superb fær toppeinkunnir fyrir stæðilegt útlit og mikið samræmi í hlutföllum. Afturhurðirnar eru þær stærstu sem framleiddar hafa verið fyrir Skoda bifreið. Fyrir vikið er allt aðgengi að aftursætunum með þægilegra móti. Glæsilegt form er á framhluta bílsins. Áberandi vatnskassahlífin er með krómumgjörð og innfellt í hana er Skoda merkið. Krómlistar umhverfis gluggarammana og innfelld stefnuljós í hliðarspeglunum gefa bílnum áberandi hliðarsvip. Afturljósin mynda C-laga form sem er einkennandi fyrir allar Skoda bifreiðar.

Mælaborðið og stýri með þægilegu gripi eru þeir þættir sem fanga athyglina í innanrýminu. Í breiðum miðjustokknum er að finna sjálfvirkt loftfrískunarkerfi, meira að segja í grunngerð bílsins. Í öllum gerðum Superb er efri hluti mælaborðsins lagður svörtu Onyx efni. Neðri hlutinn er fáanlegur í þeim litum sem best fara við það áklæði sem valið er. Skreytilistar úr völdum efnum á miðjustokki, dyraspjöldum og lofttúðum skapa þægilegt andrúmsloft og lúxustilfinningu inni í bílnum.