Hönnun L&K merkisins var undir áhrifum frá Art Nouveau, liststefnu sem kom fram í byrjun 19. aldar. Upphafsstafir stofnendanna tveggja eru  rammaðir inn af lárviðarsveig, (líklega með vísan til nafnsins  Václav Laurin, eða lárviðar, latína: Laurus nobilis), en lárviðarsveigur hefur einmitt í gegnum aldirnar verið tengdur sigurvegurum og sögufrægum persónum. Lárviðurinn var hugsanlega forspá um velgengni L&K.  
 

Merkið þekkta með “vængjuðu örinni” var fyrst notað árið 1926. Uppruni merkisins er mikil ráðgáta. Sumir segja að sá sem átti hugmyndina, (stílfærða útfærslu af höfði indíána með fimm fjaðra höfuðskraut),  hafi verið viðskiptastjóri Skoda Plzeň, T. Maglič. Hringlaga merkið í bláum og hvítum lit, með vængjaðri ör á hreyfingu til hægri og stílfærðu tannhjóli, er enn í dag notað á suma af íhlutum Skoda (eins og til dæmis rúður og vélarlok).