RS


Octavia RS er einn öflugasti og hraðskreiðasti bíllinn sem er fjöldaframleiddur af Škoda verksmiðjunum. Þrátt fyrir það er hann um leið þægilegt og öruggt ökutæki og vekur tilhlökkun þegar hann er borinn augum og ósvikna gleði þegar honum er ekið. Sportlegt andrúmsloft fylgir öllum hans hreyfingum og útliti.
Leðurklæddir sportstólar með vel bólstruðum hliðarstuðningi og inngreiptu RS merki setja hrífandi svip á innréttinguna og það á einnig við um stýrishjólið sem er leðurklætt, með fjölvirknirofum og fæst með 6 gíra sjálfskiptingunni (DSG). Hluti af heildarsvipnum er einnig fótstig úr ryðfríu stáli og stjórnrofar fyrir útvarpstæki, geislaspilara og tveggja svæða loftfrískunarbúnað (Climatronic). Það fylgir sportbílum að hafa aðlaðandi útlit og í Octavia birtist það ekki síst í glæsilegum 18" álfelgum, stuðurum með sambyggðum vindkljúfum, tveimur útblástursrörum og vindkljúf á afturhlera. Það sama á við um Xenon aðalljóskerin, sem eru með beygjubúnaði, og sérstakar RS þokulugtir.

Dagljósabúnaður

Sérstök díóðulýsing tengd dagljósum er ofan við þokulugtirnar, sem eru hannaðar í RS stíl með umgjörð alsettri litlum götum.

Fótstig með sportlegu yfirbragði

Munstrað eðalstálið í fótstigunum fer einkar vel við dökkleitar gólfmottur með gráum bryddingum og gefur innréttingunni sportlegan glæsibrag.
illustrative picture

Hreyflarnir

2.0 lítra, 200 hestafla bensínhreyfillinn með strokkinnsprautun og 2.0, 170 hestafla dísilhreyfillinn með samrásarinnsprautun, forþjöppu og dæluspíssum, eru á meðal þeirra öflugustu í sínum flokki og veita sérhverjum ökumanni óblandna ánægju.

18" felgur

18" álfelgur með hjólbörðum af stærðinni 225/40R18 gefa ótvírætt til kynna að Octavia RS er sportbíll með viðeigandi aksturseiginleika og öryggi.
 
 
Tegundir
Um Škoda
Nýjungar
Hafðu samband
© ŠKODA AUTO a.s. 2012. Allur réttur áskilinn.